IFS පදනමේ ආයතනික ප්‍රජා සත්කාර දිනයට සමගාමීව එම පදනමේ 12 දෙනෙකුගේ ස්වේච්ඡා දායකත්වයෙන් යුතුව 2024 පෙබරවාරි 22 දින වෙරළුගහමුල ප්‍රදේශයේ අපවිත්‍ර වී පැවති ස්ථානයක් පිරිසිදු කිරීම සඳහා ශ්‍රමදාන වැඩසටහනක් ක්‍රියාවට නංවන ලදි. මේ සඳහා IFS පදනම, ජෝන් කීල්ස් සමූහ ව්‍යාපාරයේ සමාජ ව්‍යවසායකත්ව ව්‍යාපෘතිය වන Plasticcycle සමග අත්වැල් බැඳගත් අතර, Plasticcycle විසින් එහිදී ප්ලාස්ටික් නිසා ඇතිවන පරිසර දූෂණය සහ එමගින් මිනිසුන්ගේ හා සතුන්ගේ සෞඛ්‍යයට ඇතිවන ගැටලු සම්බන්ධයෙන් දැනුවත් කිරීමේ සැසියක් පවත්වන ලදි. එමෙන්ම මාදම්පේ දිසා රෝහල් පරිශ්‍රයේ පැවති පිරිසිදු කිරීමේ වැඩසටහනේදී, අපද්‍රව්‍ය කාණ්ඩවලට වෙන්කිරීමේ වැදගත්කම සම්බන්ධයෙන් ස්වේච්ඡා සේවක සේවිකාවන් දැනුවත් කිරීමටද Plasticcycle පියවර ගත්තේ ය. මෙම වැඩසටහනට ප්‍රදේශවාසීන් 16 දෙනෙකු ස්වේච්ඡාවෙන් සහභාගී වූ අතර, එහිදී ප්‍රතිචක්‍රීකරණය කළ හැකි සහ නොහැකි ප්ලාස්ටික්, වීදුරු සහ කෑන් ඇතුළු අපද්‍රව්‍ය මලු කිහිපයක් එක්රැස් කිරීමට හැකි විය. ඉන් පසුව මෙම අපද්‍රව්‍ය වගකීම්සහගත ලෙස බැහැර කිරීම සඳහා ප්‍රාදේශීය බලධාරීන් වෙත භාරදෙන ලදි.
